Toʻplangan materiallar yoʻqolgan sud ishini yoki ijro ishini yuritishni tiklash uchun yetarli boʻlmasa, sud ish yuritishni ajrim bilan tugatadi. Bu holda arizachi umumiy tartibda daʼvo taqdim etishga haqli. Yoʻqolgan sud ishi boʻyicha sud hujjatini tiklash toʻgʻrisidagi arizani koʻrib chiqish uni saqlash muddati bilan chegaralanmaydi. Biroq, yoʻqolgan sud ishini ijro etish maqsadida uni tiklash toʻgʻrisida ariza bilan murojaat qilingan taqdirda, ijro varaqasini ijroga taqdim etish muddati oʻtgan boʻlsa va u sud tomonidan tiklanmasa ham sud ishni yuritishni tugatadi.