Mehnatga layoqatsiz, yordamga muhtoj voyaga yetgan bolalar ota-onasidan, agar ular yoʻq boʻlsa, qarindoshlari va ushbu Kodeksda koʻrsatilgan boshqa shaxslardan oʻz taʼminoti uchun aliment talab qilish huquqiga ega. Bunday hollarda aliment miqdori sud tomonidan aliment toʻlashi shart boʻlgan shaxsning moddiy va oilaviy ahvoli hisobga olinib, pul bilan toʻlanadigan qatʼiy summada belgilanishi mumkin.